آخر الأخبار
راصد الإخباري :
نشر الناشط والاعلامي السيد علاء الذيب عبر صفحته على التواصل الاجتماعي، رسالة لاخد متابعيه. يطلب فيها النشر لشكر لقاضي بلدية محافظة الزرقاء، تاليا نص ما نشره الذيب:
اخ علاء يسعد مساك
بتمنى تنشر هذا المنشور عندك زي ما في مسؤولين مش كويسين في مسؤولين ربنا سخرهم للناس الضعاف بشعروا فينا وبحسوا بلي بنحس فيه
تعرضت لمخالفة سير ظلم بظلم وكنت حاط الحزن بالجرة زي ما بحكو .. ولما رحت عمحكمة السير الي بالزرقا اعترض على المخالفة وادفعها ما صدقت حالي انه في عندما قاضي هيك .. قاضي العدل عنده كل اشي استوعبني كبنته و كاخته فتت عليه ببكي ما رضي اطلع الا وانا ابتسامتي على وجهي .
ممكن حد يحكي كلها مخالفة .. بس قيمتها كانت عالية ووضعي ووضع اهلي ما بسمحلي ادفعها
لاول مرة بحس انه في مسؤول ربنا ميسره للناس بحكي بادب وتواضع وانسان بمعنى الكلمة وبساعد الجميع.
من صفحتك حاب اشكر القاضي قفطان عايد العدوان وبحكيله ربنا يسخرلك جنود الارض والسماء ويجبرك جبر تتعجب منه اهل السماوات والارض زي ما جبرت كسرتي ورممت همومي بادبك واخلاقك وتواضعك.. شكرا الك كثير يا اصيل يا ابن الاصول
